1 Cünd-i şitâyı taşa tutup yine jâleler / Kasd itdiler ki milket-i gül-zârı alalar
2 Sahn-ı çemende şöyle kırıldı zücâc-ı yah / Seng-i felâhan urdı meger ana lâleler
3 Çözdi çemende turraların sünbül-i tarî / Gûyâ tagıtdı mûyını müşgîn külâleler
4 Gül-şende basdı jâleleri kara bagrına / İrdi safâya lâle-i hûnîn piyâleler
5 Oldı çemende bâliş-i gonca kenâr-ı hâr / Mürg-i seher iderse n'ola âh u nâleler
6 Şâh-ı gül ü nihâl-i semen biri birinün / İrdi o dem ki kolını boynına salalar
7 Bâkî bu demde hayf ola ehl-i mezâk eger / Künc-i belâ vü gûşe-i mihnetde kalalar
103 - Cünd-i şitâyı taşa tutup yine jâleler
- Ayrıntılar
- Üst Kategori: Bâkî
- Kategori: Gazeller
- Görüntüleme: 62
- Vezin: Mef'ûlü Fâ'ilâtü Mefâ'îlü Fâ'ilün