146 - Yârdan cevr ü cefâ lutf u kerem gibi gelür

1    Yârdan cevr ü cefâ lutf u kerem gibi gelür / Gayrdan mihr ü vefâ derd ü elem gibi gelür
2    Fürkat-i yâr katı zâr u zebûn itdi beni / Döymeyem mihnet-i hicrâna ölem gibi gelür
3    Uydurup leşger-i 'uşşâkını ol şâh-ı cihân / Nâz ile salını salını 'alem gibi gelür
4    Dil-i pür-hûn elem-i 'aşkun ile cûş ideli / Çeşme-i çeşmün akan suları dem gibi gelür
5    Bâkıyâ kankı gönül şehrine gelse şeh-i 'aşk / Bile endûh u belâ hayl u haşem gibi gelür