1 İllere mihr ü vefâsı hôş gelür / Bendeye cevr ü cefâsı hôş gelür
2 Almazın kühl-i cilâyı 'aynuma / Hâk-pâyun tûtiyâsı hôş gelür
3 Bir 'aceb dârü'ş-şifâdur kûy-i yâr / Haste varan mübtelâsı hôş gelür
4 Hûr u gılmân anma kim her 'âşıka / Kendü yâr-ı bî-vefâsı hôş gelür
5 Mülk-i gamda eşk ü âh egler beni / Ol yirün âb u hevâsı hôş gelür
6 Gayrı dermân istemez Bâkî kulun / Zahmına derdün devâsı hôş gelür
148 - İllere mihr ü vefâsı hôş gelür
- Ayrıntılar
- Üst Kategori: Bâkî
- Kategori: Gazeller
- Görüntüleme: 114
- Vezin: Fâ'ilâtün Fâ'ilâtün Fâ'ilün