159 - Hecr-i la'lünle dem-â-dem dîde hûn-efşân olur

1    Hecr-i la'lünle dem-â-dem dîde hûn-efşân olur / Gözlerüm sildükçe destüm pençe-i mercân olur
2    Şol gönül kim devr ider pîrâmen-i bâg-ı ruhun / Zülf-i müşgînün gibi yıllarca ser-gerdân olur
3    Agzumuz şîrîn ider bir nükte-i rengîn ile / La'l-i nâbun ey yüzi gül-şen ne nâzük cân olur
4    Dökme yaşun katresin her-câyî dil-ber yolına / Yüzi açılmış güzel gül gibi ter-dâmân olur
5    Câm-ı'işret nûş iden bir katresin dökmez yire / Ehl-i dil bir cür'aya degmez 'aceb devrân olur
6    Pertevin bir gün salar mihr-i 'inâyet Bâkıyâ / Zerre-i nâçîzler hûrşîd-i nûr-efşân olur