160 - Fark-ı felekde zâhir olup tâc-ı zer-nigâr

1    Fark-ı felekde zâhir olup tâc-ı zer-nigâr /  Üsküflerin menârelerün kapdı rûzgâr
2    Meydân-ı 'îd-gehde perî-çihreler gibi /  Fâhir libâslar ile hırâm itdi nev-bahâr
3    Câm-ı şarâb-ı nâb ile rindân-ı mey-gede / Öz 'âleminde her biri bir şâh-ı tâc-dâr
4    Sun bezm-i 'ayşa destüni kim câm-ı mey gibi / Girmez elüne bir gül-i ter bi-cefâ-yı hâr
5    Gül-gûn olurdı çihre-i Bâkî şafak gibi /  Devrân sunaydı destine bir câm-ı zer-nigâr