161 - Dil-i hûnînün o tîr-i müje dem-sâzı geçer

1    Dil-i hûnînün o tîr-i müje dem-sâzı geçer / Nîze-i gamzesinün 'âşıkına nâzı geçer
2    Kimse pervâz uramaz 'aşkı hevâsında anun / Gördügün şûh-ı cihân Rûm ili şeh-bâzı geçer
3    Lebler ile nice zîbâ dirilür mürdeleri / Gerçi üftâdeleri gamze-i gammâzı geçer
4    Başına mürg-i çemen gibi üşer nâlelerüm / Dûd-ı dil bâg-ı gamun serv-i ser-efrâzı geçer
5    Nice agyâr gibi agzı kara var gerçi / İtlerinün seg-i tâzî gibi mümtâzı geçer
6    Yâr Bâkıyle ne hem-hâne ne hem-râh-ı sefer / Derd-mendün bu recâlarla kışı yazı geçer