1 Gönlümi bende çeken kâkül-i pür-tâb nedür / Cânuma hürde geçen gevher-i nâ-yâb nedür
2 Başuma 'ayn-i belâdur şeb-i hecründe gözüm / Ne görür rûz-ı visâlün ne bilür hvâb nedür
3 Seng-i cevrünle ne dem dökse gönül şîşesini / Gözlerümden dökilür katre-i nâ-yâb nedür
4 Bahr-i 'aşk içre şinâver geçinenler ne bilür / Düşmese çâh-ı zenahdânuna gird-âb nedür
5 Nûr-ı Hakdur çü mezâhirdeki eşyâ Bâkî / Görinen arada bu sûret-i esbâb nedür
172 - Gönlümi bende çeken kâkül-i pür-tâb nedür
- Ayrıntılar
- Üst Kategori: Bâkî
- Kategori: Gazeller
- Görüntüleme: 109
- Vezin: Fe'ilâtün Fe'ilâtün Fe'ilâtün Fe'ilün