1 Öper meclisde la'l-i dil-beri peymâneler vardur / Sunar destin ser-i zülf-i nigâra şâneler vardur
2 Cihâna savt-ı zencîr-i cünûnı gulgule salmış / Bu gün virânelerde ey perî dîvâneler vardur
3 Seg-i kûyun sifâlin sâgar-ı Cemşîde virmezler / Hârâbat illerinde sâkin-i mey-hâneler vardur
4 Sevâd-ı çeşm-i havrâya degişmez âdem ey sôfî / Saçılmış hırmen-i hüsninde yârun dâneler vardur
5 Sipihrün bu tokuz peymânesin bir demde ey Bâkî / Mahabbet meclisinde nûş ider mestâneler vardur
187 - Öper meclisde la'l-i dil-beri peymâneler vardur
- Ayrıntılar
- Üst Kategori: Bâkî
- Kategori: Gazeller
- Görüntüleme: 110
- Vezin: Mefâ'îlün Mefâ'îlün Mefâ'îlün Mefâ'îlün