1 Mest olup 'âşık-ı rüsvâ yakasın çâk eyler / Düşüben kûy-ı harâbâta özin hâk eyler
2 Bilmezem nice göreyüm ben o mâhun yüzini / Bakıcak gün yüzine gözünü nem-nâk eyler
3 Sûziş-i 'aşkun ile âh idicek ben her dem / Şerer-i âteş-i dil 'azmini eflâk eyler
4 Dil-i dîvâne senün görmeyeli zülf ü ruhun / Sanma cânâ giceden gündüzi idrâk eyler
5 Görüp agyârun elinde ayagın dil-dârun / Bâkî gamdan çeküben yakasını çâk eyler
188 - Mest olup 'âşık-ı rüsvâ yakasın çâk eyler
- Ayrıntılar
- Üst Kategori: Bâkî
- Kategori: Gazeller
- Görüntüleme: 108
- Vezin: Fe'ilâtün Fe'ilâtün Fe'ilâtün Fe'ilün