1 Gören dil ân-ı hüsnin va'de-i cânâne katlanmaz / Belî âşıkda sabr olmaz gönül ol âne katlanmaz
2 Hevâdan men' ider pendüni muhkem sanma ey zâhid / Kırar zencîr-i pûlâdı dil-i dîvâne katlanmaz
3 Nasîhat dinlemez tâlib olınca şevk-i dil gâlib / Vücûdın şu'le-i şem'a salar pervâne katlanmaz
4 Gönül çeng-i mahabbetde yine sabr itse mümkindür / Reg-i cân lîk zahm-i nâhun-ı hicrâne katlanmaz
5 Yiter hatt u ruh-ı sâkî bu bezme zînet ey Bâkî / Kadeh nûş it ki dil vakt-i gül ü reyhâne katlanmaz
196 - Gören dil ân-ı hüsnin va'de-i cânâne katlanmaz
- Ayrıntılar
- Üst Kategori: Bâkî
- Kategori: Gazeller
- Görüntüleme: 110
- Vezin: Mefâ'îlün Mefâ'îlün Mefâ'îlün Mefâ'îlün