198 - Bisât-ı 'ayşa kadem basdı nâz ile nev-rûz

1    Bisât-ı 'ayşa kadem basdı nâz ile nev-rûz / Şükûfe perde-sarây-ı 'ademden itdi bürûz
2    Ne hûb-dem ne kıyâmet-zamân olur bu kim / Nücûm indi yire yir yüzine çıkdı künûz
3    Hemîşe hurrem ü handân elinde sâgar-ı zer / Felekde olmaya gün gibi rind-i 'âlem-sûz
4    Togarsa matla'-ı subh-ı safâdan ol meh-rû / Zehî sitâre-i ferhunde tâli'-i fîrûz
5    Henüz gonca murâkıb derûn-ı perdede gül / Ümîd bu ki ide 'an-karîb keşf-i rümûz
6    Cemâl-i yâre nazar kıl derûnun it rûşen / Ki nûr-bahşdur ol tal'at-i cihân-efrûz
7    Derûna tâb-ı ruhi düşmeyince ey Bâkî / Ne câm-ı sâfda buldum safâ ne sâzda sûz