1 Eger bin zahm ura gamzen ten-i 'uryâne incinmez / Ucından tek hemân bir hisse çıksun câne incinmez
2 Gam u gussa dil-i 'uşşâka yârân-ı safâdandur / Gönül hazz eyler anlardan kişi yârâne incinmez
3 Dil-i sad-çâk o mûy-ı müşg-bûnun bendine kalmaz / Çeker zülf-i dil-âvîzün cefâsın şâne incinmez
4 Döker 'âşık yolunda dâne dâne gevher-i eşki / Yatur hâk-i mezelletde yine bir dâne incinmez
5 Zebân-ı ta'n-ı a'dâdan perîşan olma ey Bâkî / Hezârân tîşe-i âzâr ururlar kâne incinmez
199 - Eger bin zahm ura gamzen ten-i 'uryâne incinmez
- Ayrıntılar
- Üst Kategori: Bâkî
- Kategori: Gazeller
- Görüntüleme: 111
- Vezin: Mefâ'îlün Mefâ'îlün Mefâ'îlün Mefâ'îlün