1 Ancak rakîb cevri degül infi'âlümüz / Hat geldi la'l-i yâre odur bu melâlümüz
2 Bend-i belâdan olmaduk âzâd bir nefes / Zülfün hevâsı olalı dilde hayâlümüz
3 Gîsûlarun firâkı helâk eyledi bizi / Boynuna alma ey saçı Leylâ vebâlümüz
4 Vasf ideli miyân u lebin ol perî-veşün / Nâzük hayâl ile anılur kîl ü kâlümüz
5 Geh şi'r ü geh gazel diyü dil-dâra Bâkıyâ / 'Arz iderüz nezâket ile hasb-i hâlümüz
207 - Ancak rakîb cevri degül infi'âlümüz
- Ayrıntılar
- Üst Kategori: Bâkî
- Kategori: Gazeller
- Görüntüleme: 114
- Vezin: Mef'ûlü Fâ'ilâtü Mefâ'îlü Fâ'ilün