208 - Gel ey sâkî bulınmaz böyle 'âlî dil-güşâ meclis

1    Gel ey sâkî bulınmaz böyle 'âlî dil-güşâ meclis / Getür câm-ı musaffâyı kim olsun pür-safâ meclis
2    Piyâle 'aksi mir'ât-ı felekde âfitâb olsun / Fürûg-ı sâgar-ı sahbâdan olsun pür-ziyâ meclis
3    Şarâb Âb-ı hayât u câm-ı zerrîn âfitâb olsa /  Cinân içre gerekmez bana cânân olmasa meclis
4    Kadeh kan aglayup def sîne döger ney figân eyler / Meger derd ü gam-ı 'aşka olupdur mübtelâ meclis
5    Kadeh fıskıyye mey su halka-i rindân anun havzı / Sarây-ı şevka şâdırvân olupdur Bâkıyâ meclis