211 - Pür-hevâdur ney gibi 'aşkunla tab'-ı pür-heves

1    Pür-hevâdur ney gibi 'aşkunla tab'-ı pür-heves / Derd-i dilden bâ-haber 'âlemde yok bir hem-nefes
2    Çâk çâk itsün beni şemşîr-i gamzen şâne-veş / Zülfüne tek 'âkıbet olsun müyesser dest-res
3    'Aşkunun deryâsına nisbet vücûd-ı kâ'inât / Mevc-i bahr-i bî-kerân üzre bir avuç hâr u has
4    'Âkil oldur gelmeye dünyâ metâ'ından gurûr / Müddet-i devr-i felek bir demdür âdem bir nefes
5    Devr elinden Bâkıyâ gam çekme âlem böyledür / Gül nasîb-i hâr u has bülbül giriftâr-ı kafes