212 - Hûn-ı kebûter ile pür olup yine kü'ûs

1    Hûn-ı kebûter ile pür olup yine kü'ûs / Devr-i piyâle göstere mi dîde-i hurûs
2    Meclisde câm-ı la'l-i lebün vasfın eyledüm / Tahsînler itdi cür'a bana kıldı hâk-bûs
3    Ruhsâr-ı sâf u pâki ham-ı zülf-i yârda / Âyînedür ki deste vü pervâzı âbnûs
4    Câm-ı cihân-nümâ-yı cemâlin göreydi ger / İtmezdi vaz'-ı âyine ferzend-i Fîlekûs
5    Ebrû-yı 'anberîn ile mihrâb-ı dîndür / Ruhsâr-ı âteşîn ile ol kıble-i Mecûs
6    Evsâf-ı la'lün ile pür-efsûndur sözüm / K'eyler okınsa çihre-i a'dâyı senderûs
7    Bâkî suhanda nevbet-i şâhî sana degüp / Dehlûda gûş-ı Husreve irdi sadâ-yı kûs