232 - Şeb-i târîk görinür gözüme rûz-ı firâk

1    Şeb-i târîk görinür gözüme rûz-ı firâk / Dûd-ı âhumla meger toldı ser-â-ser âfâk
2    Yine bir kaşı hilâlün sitemi çarh gibi / Kaddümi kıldı kemer tâkatümi eyledi tak
3    Tutdı ebrûna yüzin mihr-i 'izârunla gönül / Kıbleye karşu kılur sanki salât-ı işrâk
4    Merd isen dehr-i denî mekrine meftûn olma / Er odur kim vire bu pîre-zen-i dehre talâk
5    Bâkinün nâle vü zâriyle cihân toldı bu gün / Yine var ise 'adû eyledi yârine nifâk