1 Bakmadı bâga gönül yâr ile yâr olmayıcak / Akmadı su gibi gül-zâre bahâr olmayıcak
2 Ey ki deryâ-yı gam-ı 'aşkuna yok hîç kenâr / Bûse lutf eyle hele bârî kenâr olmayıcak
3 Bî-hisâb itdi hatun 'âşıka cevri ammâ / Kimse da'vâ idemez rûz-ı şümâr olmayıcak
4 Gül-şen-i kûyuna varmaga gönül yüz gereke / Gül-i ruhsâruna âşüfte hezâr olmayıcak
5 Bulmadı sa'y ile ser-menzil-i maksûda vüsûl / Himmet-i merd-i Hudâ sâlike yâr olmayıcak
6 Tal'at-i şâhid-i ikbâl nümâyân olmaz / Sîne-i ehl-i safâ âyine-dâr olmayıcak
7 Olmaz ey Bâkî-i bî-dil ser-i a'dâ pâ-mâl / Yine sen tab' semendine süvâr olmayıcak
233 - Bakmadı bâga gönül yâr ile yâr olmayıcak
- Ayrıntılar
- Üst Kategori: Bâkî
- Kategori: Gazeller
- Görüntüleme: 115
- Vezin: Fe'ilâtün Fe'ilâtün Fe'ilâtün Fe'ilün