272 - 'Âşık-ı bî-dillere cevr-i firâvân eyledün

1    'Âşık-ı bî-dillere cevr-i firâvân eyledün / Müstedâm ol dōstum lutf itdün ihsân eyledün
2    Âsmân-ı mihrüne âhum şirârıdur nücûm / Şu'le-i dâg-ı derûnum mâh-ı tâbân eyledün
3    Gamzen okın çeşm-i fettânun yine almış ele / Şöyle benzer dōstum kâfir müselmân eyledün
4    Çıkmaz agzundan haber sırr-ı nihân-ı vasluna / 'Âşıkun râzın derûn-ı cânda pinhân eyledün
5    Bagrumı hûn eyledün şemşîr-i istignâ ile / N'eyledün hey âfet-i devrân yine kan eyledün
6    Bâkîyi gül gibi handân itdün evvel lutf ile / Sonra döndün mübtelâ-yı hâr-ı hicrân eyledün