1 Giceler kâküli sevdâsı ile dil-dârun / Haddi pâyânı mı var dûr u dırâz efkârun
2 'Âşıkun âh u enîn olsa 'aceb mi kârı / Nâle vü zâr olur eglenceleri bimârun
3 Nev-bahâr oldı yine geldi cünûn eyyâmı / Takdı zencîrlerin bâd-ı bahâr enhârun
4 Gül-şene nergis ü gül hayli letâfet virdi / Şimdi açıldı dahi yüzi gözi gül-zârun
5 Mâ'il olmaz gül ü şimşâd u çemen seyrine dil / Göreli gül-şen-i hüsnünde kad u ruhsârun
6 Jâleler tamlamag ister gül-i terden gûyâ / Görinen dürr-i bünâgûşı degüldür yârun
7 Bâkıyâ söyle lebi yâdına rengîn gazeli / Demidür nûş-ı meyün mevsimidür eş'ârun
276 - Giceler kâküli sevdâsı ile dil-dârun
- Ayrıntılar
- Üst Kategori: Bâkî
- Kategori: Gazeller
- Görüntüleme: 110
- Vezin: Fe'ilâtün Fe'ilâtün Fe'ilâtün Fe'ilün