1 Goncalar içre nihân eyleme gül-berg-i terün / Ya'nî seyr eyleyelüm sîneni çöz dügmelerün
2 Revnâk-ı hüsne halel virmez o hatt-ı müşgîn / Arturur belki şeb-i târ şu'â'ın kamerün
3 Kandasın biz de gel ey âfet-i devrân görelüm / Nice bir öpe kuca görişe tavk u kemerün
4 'Âşıka kühl-i cilâ yârun ayagı tozıdur / Hâsılı bendesiyüz 'ârif-i sâhib-nazarun
5 Zâhidâ rind-i harâbâta inen ta'n itme / Var ise zerre kadar sırr-ı kazâdan haberün
6 Cümle tedbîr pes-i perdeden üstâdundur / İhtiyarî mi sanursın harekâtın suverün
7 Şi'r-i Bâkîye kulak tutmasa zâhid ne 'aceb / Söz güherdür ne bilür kadrini nâ-dân güherün
277 - Goncalar içre nihân eyleme gül-berg-i terün
- Ayrıntılar
- Üst Kategori: Bâkî
- Kategori: Gazeller
- Görüntüleme: 180
- Vezin: Fe'ilâtün Fe'ilâtün Fe'ilâtün Fe'ilün