066 - Cennet-i kûyuna meyl eylese Tûbâ yiridür

1    Cennet-i kûyuna meyl eylese Tûbâ yiridür / Âsitânun dilese gökde Mesîhâ yiridür
2    Kaddünün cilve-gehi sîne-i pür-dâgumdur / Sahn-ı gül-şen nitekim serv-i dil-ârâ yiridür
3    Tâze dâgumla ser ü sîne n'ola zeyn olsa / Kûh u deşt ey yüzi gül lâle-i hamrâ yiridür
4    Âbı hoş hâki hevâ ehline gâyet dil-keş / 'Âlemün kûy-ı hârâbat bir a'lâ yiridür
5    Nâm u neng ehli ne bilsün reviş-i rindânı / Mey-gede bencileyin 'âşık-ı şeydâ yiridür
6    Cilve-i hüsn-i ruhun virdi revâc u revnak / 'Arsa-i 'âleme kim seyr ü temâşâ yiridür
7    Vasf-ı la'lin okı ey hüsn kitâbın okuyan / Meded Allâhı seversen katı zîbâ yiridür
8    Bâkıyâ tâc-ı Sikender yaraşur farkında / Ol ki zîr-i kademi bûse-i Dârâ yiridür