105 - Âşıklara çün derd ü belâ zevk u safâdur

1    Âşıklara çün derd ü belâ zevk u safâdur / Yâ zevk u safâ derdine düşmek ne belâdur
2    Abdâllaruz n'eyleyelüm tâc u kabâyı / Dervîşlerün tâcı fenâ başı kabâdur
3    Dünyâda çeker mihneti erbâb-ı mahabbet / Ey sôfî bu gün bana ise irte sanâdur
4    Bâg-ı tarab u 'ayşa mey-i nâb u dem-i nây / Hakkâ bu 'aceb hûb u latîf âb u hevâdur
5    Geh kulkul-i mey gönlüm açar gâh dem-i nây / Maksûd benüm pâdişehüm hüsn-i edâdur
6    'Uşşâk iniler güm güm öter günbed-i gerdûn / Hakkâ bu güzel hûb u safâ-bahş sadâdur
7    Bâkî n'ola pervâz-ı bülend itse gazelde / Bâl ü per ana himmet-i yârân-ı safâdur