011 - Leb-i la'lin hayâl it gûşe-i 'uzletde pinhân ol

1    Leb-i la'lin hayâl it gûşe-i 'uzletde pinhân ol / Dilâ hem kân-ı gevher kıl özün hem gevher-i kân ol
2    Eger tahsil-i derd itdünse düş kûy-ı harâbâta / Seni gene itdiler çünkim mukîm-i künc-i vîrân ol
3    Tokınsa tîr-i mihnet ger mübâhât ile gögsün ger / Soyındun 'arsa-i rindâne girdün merd-i meydân ol
4    Ko emvâc-ı belâ gelsün nasîbin rüzgâr alsun / Derûnun derdini keşf itme sen deryâ-yı 'ummân ol
5    Düşer bir 'ukdeye gâhî küdûret kesb ider tâli' / Gerekse mâh-ı tâbân ol gerek mihr-i dırahşân ol
6    Zamâne eylemez hürmet amân virmez dem-i fursat / Gerek dervîş-i dil-rîş ol gerek şâh-ı cihân-bân ol
7    Yüzün ey gonca-leb dürme bize cevr eyleyüp turma / Açıl gül gibi handân ol salın serv-i hırâmân ol
8    N'ola hûrşîd-veş başun göge irdiyse hüsn içre / Ser-efrâz-ı cihân ol çâre-sâz-ı derd-mendân ol
9    Şeref virmez dür ü gevher kemâl olmaz zer ü zîver / Hüner kesb it hüner bahr-i fazilet kân-ı 'irfan ol
10    Kabâ-yı câh ile âdem geçinsün her kaba câhil / Güher göster güher meydâna gir sen tîg-i 'uryân ol
11    Yine rûz-ı visâlinden dem urdı bâd-ı subh ey dil / Kul oldun nice yıllardur bu gün 'îd irdi kurbân ol
12    Dilâ âhunla yakdun milket-i Rûmı nedür derdün / Gedâ-yı kûy-ı yâr olmak dilersen Mısra sultân ol
13    İrişdükçe seher-gâha münâcât eyle der-gâha / Devâm-ı devlet-i şâha du'â-gûy u şenâ-hvân ol
14    Degülsin medhine kâdir ne denlü tutsalar mâhir / Gerekse Rûmda Bâkî 'Acem mülkinde Selmân ol